TEA HUB (已結業)

冇諗過係長沙灣既平民區，會有一間咁文青既咖啡店，店入面既環境相當舒適，設計比較簡約同埋有種身置于木屋入面既感覺如果入到黎想食主餐既話，呢度有兩款套餐可選擇，有漢堡燒雜菜配咖喱蛋包飯或者茶湯麵+兩款自選配菜，我會比較prefer 選擇茶湯麵套餐，因為市面上比較少有舖頭會有茶湯麵食，茶湯麵食落口味道清涼爽口，亦都非常適合而家呢d炎熱既天氣食用，冇乜味精又健康消暑另外有一道配菜叫烏龍茶炒雜菇，食落口係帶有茶味既雜菇，味道幾有趣，亦都不防一試呢間咖啡店除左主餐外亦都主打好多唔同味道既蛋糕同埋茶飲，每款既賣相都好靚，售賣款式會經常更新