鳳凰茶苑 (已結業)

星期日同屋企人食完中午飯，路經鳳凰茶苑，第一次見淨係品茗既地方，覺得好特別。一上到去，就仿如進入另一個境界。環境好舒適，周遭有好多植物，每台客人都享受緊寧靜既一刻，係一個非常好既談心處。一坐低店員就介紹不同既茶種，佢地既自家品牌叫密雲龍，聽完之後揀左主打既大紅袍。根據不同既級別，有風、雅、頒之分，最後我地揀左雅既套餐，而除左大紅袍，套餐仲可以揀多一種茶（香片/玫瑰花）配茶點。主打既大紅袍口感醇和、順滑、味道係口腔持久不去。而香片既茶葉有香氣、泛著蘭花既味道。享受左兩個鐘之後，借品茗放鬆心靈。現場仲有賣好多茶具，除左自己去飲茶，仲可以包場/舉行公司活動等，一齊同親朋戚友感受下。