博多拉麵別天神 (已結業)

好多朋友都向我推薦呢間拉麵店，今次經開旺角附近，終於有機會試一次，果然係聞名不如見面，相當值得推介！Menu有兩款拉麵，拉麵套餐，同埋小食，選擇就貴精不貴多，最緊要整得好食。我選擇咗蝦味噌豚骨拉麵套餐，小食就配餃子。睇住師傅好用心咁整每一碗拉麵，對食物嘅質素同製作過程有絕對嘅信心。蝦味噌豚骨拉麵湯底濃郁鮮甜，面頭再加好多脆脆嘅蝦乾，仲有豚肉、糖心蛋、蔥、紫菜同粟米，好足料，食材都好新鮮好入味。蝦味噌湯底非常入味，拉麵掛湯能力非常好，完全充滿着蝦嘅鮮味。日式餃子煎得好脆，仲配有醬汁，餃子入面都非常足料，真係大滿足呀！呢個就係蝦味增拉麵套餐，真係好滿足呀！到我食完飯之後，門口嘅人龍都係好長，好多人排隊等位。以呢間餐廳嘅質素同價錢，性價比非常之高，真係好值得推薦！以後我再次經過，都一定一定會再幫襯。