四川担担麵 (已結業)

雖然唔係食得好辣，但我一向都鍾意食麻辣食物。之前見到雜誌介紹左呢間鋪頭，今日星期六特登過嚟試吓。店仔細細但係乾淨整齊，'老外'老闆喺門口好熱情咁樣招呼客人，介紹食物，落單。雜誌介紹老闆娘係四川人，做大廚。雖然細細間，但仲有兩個職員。因為今日係星期六所以冇午市套餐，我哋一行二人，點左一個成都style 四川擔擔麵 (即係有麻醬），牛肉麵，涼拌豆腐皮同埋涼拌雞，當然唔少得嘅，仲有嘢飲，解辣用。先講個四川擔擔麵，我要嘅係regular 辣，初初食嘅時候覺得普普通通，唔係好辣，但越食越辣...不過都接受嘅，下次可以要再辣D。麵條唔係我哋平時系出邊食到嘅擔擔面麵條，醬汁味道唔錯，仲有我最鍾意嘅花生。如果可以再 '麻' 啲就會跟加好！唯一嘅意見係份量太大食淨一半。蝦子餅叫咗個中辣嘅牛肉麵，味道都唔錯，佢就話唔夠辣。牛肉好林，廚師仲加左筍，我就覺得味道唔錯。豆腐皮，雜誌就推介呢個，個人覺得一般，下次會試吓木耳。至於個鷄，明明係under 涼拌，但原來係炒嘅⋯⋯味道都唔錯，份量亦都值回票價！總括嚟講，食物絕對有水準，服務亦都唔錯。市面上嘅小店越來越少，剩返嘅都係連鎖食肆，老闆要多多加油！I will