BEL CIBO Seafood Bar & Restaurant (已結業)

喺尖沙咀行完加連威老道 去咗厚福街h8 上面搵左，間西餐廳食少少嘢。平時真係唔多願意上h8 ，因為等佢架排隊真係排餐死， 今日真係好幸運時間尚早，一去到就可以入𨋢上到去啦。 基本上成棟都係𨋢門一開就會見到成間餐廳 ，雖然地方唔係好大，不過 簡簡單單 ，食下西餐咁，都幾有情調。 今日唔係太肚餓唯有點幾款嘢輕食一下。特濃龍蝦湯， 味道香濃， 蝦味好重， 湯係以蝦做配料， 蝦肉大隻又彈牙 ，味道唔錯。鵝肝多士配蘋果蓉， 精緻又美味， 食落就唔會覺得肥膩。最欣賞佢呢個煙三文魚芝士pizza ，雖然唔係好多配料，但煙三文魚大大塊加上 重量級芝士 同薄脆餅底 ，香脆誘惑，味道超滋味。