影片
更多
2023-09-01
767 瀏覽
好耐冇食自助餐，早前屋企人見到德福閣有做優惠，所以Book咗嚟試!!德福閣喺旺角鬧市，收工七點去到。一坐低，店員即刻每人上四隻生蠔，生蠔好新鮮，而且飽滿大隻!!餐廳環境好寧靜舒適，一張大長枱放滿食物，海鮮方面有長腳蟹、青口、海蝦、各種日式刺身和壽司等。特別推薦呢度三文魚刺身，好肥美新鮮!!!色澤漂亮，我忍唔住encore咗幾次~至於冷盤都有沙律吧、火腿蜜瓜卷、鴨胸等，熱食有即切肉眼扒、蒸魚、海南雞、咕嚕肉、芝士焗蠔、茶碗蒸等多款選擇。基本湯品亦有中式湯西式湯兩款選擇，餐包都有三四款。特別推薦蒸魚，好大條(唔知咩品種~)，魚肉好滑!!!即切肉眼扒咁熱門好快俾人食完，師傅都即刻攞第二嚿出嚟!!甜品方面有好多選擇，movenpick 雪糕任食!!仲有雪米糍，仲有本地雪糕cocoberry~師傅職場製作疏乎厘好吸引，空氣感十足，我都食咗兩個!!!仲有師傅即場製作pancake，可以揀返香蕉/cream/雜果味，有唔同配料自己配搭。另外亦有多款原個芝士蛋糕、忌廉蛋糕、布丁、椰汁西米露、水果可以選擇。有個朱古力噴泉，當晚見到小朋友都玩得好開心~飲品吧都係自助，有多款汽水(有懷舊玻璃樽裝可樂)，檸檬
好耐冇食自助餐，早前屋企人見到德福閣有做優惠，所以Book咗嚟試!!德福閣喺旺角鬧市，收工七點去到。一坐低，店員即刻每人上四隻生蠔，生蠔好新鮮，而且飽滿大隻!!餐廳環境好寧靜舒適，一張大長枱放滿食物，海鮮方面有長腳蟹、青口、海蝦、各種日式刺身和壽司等。特別推薦呢度三文魚刺身，好肥美新鮮!!!色澤漂亮，我忍唔住encore咗幾次~
至於冷盤都有沙律吧、火腿蜜瓜卷、鴨胸等，熱食有即切肉眼扒、蒸魚、海南雞、咕嚕肉、芝士焗蠔、茶碗蒸等多款選擇。基本湯品亦有中式湯西式湯兩款選擇，餐包都有三四款。特別推薦蒸魚，好大條(唔知咩品種~)，魚肉好滑!!!即切肉眼扒咁熱門好快俾人食完，師傅都即刻攞第二嚿出嚟!!
甜品方面有好多選擇，movenpick 雪糕任食!!仲有雪米糍，仲有本地雪糕cocoberry~師傅職場製作疏乎厘好吸引，空氣感十足，我都食咗兩個!!!仲有師傅即場製作pancake，可以揀返香蕉/cream/雜果味，有唔同配料自己配搭。另外亦有多款原個芝士蛋糕、忌廉蛋糕、布丁、椰汁西米露、水果可以選擇。有個朱古力噴泉，當晚見到小朋友都玩得好開心~
飲品吧都係自助，有多款汽水(有懷舊玻璃樽裝可樂)，檸檬茶，各種熱飲，熱朱古力熱咖啡等。
📝總結：食物種類雖然沒有非常多，但當晚都食得好飽，未能試哂。店員態度好nice，收碟速度快，食物翻碟都好快!!用餐感覺愉快，人均約$400。
張貼
