Briketenia

營業中

休息中

自從北角匯開咗商場之後，食嘢睇戲到方便咗好多，無意中發現左環境唔錯既法國餐廳，同另一半撐枱腳一流。法式麵包一向比人感覺都係硬，但呢份餐前麵包唔硬之餘，鬆軟香脆比例剛好，配上自家製醬汁先聲奪人。忌廉蘑菇湯蘑菇湯好足料，香濃忌廉加上麵包碎，香滑濃郁。法式鵝肝焦糖燉蛋配田園沙律焦糖燉蛋通常甜品先見到，職員喺落單時介紹法式鵝肝焦糖燉蛋係餐廳既Signature，果然冇介紹錯，鵝肝味濃配合燉蛋，一放入口就好似滑落喉嚨既感覺，但味道會維持喺口腔一段時間，之後食返沙律清清味蕾準備下一道茶。燴牛面頰意大利飯牛面肉淋到不得了，肉味超濃，口感似牛筋腩，但更鬆化，肉汁配上意大利飯，食到停唔到口。油封法國鴨腿配新薯 紅莓汁油封鴨腿係手工菜，工序繁多，鴨皮香脆鴨肉粉嫩，配上紅莓汁酸酸甜甜，非常醒胃。