炎天丼 (已結業)

同事又帶我執食好西，今日黎到鬧市中試天婦羅丼，一行5人好彩我地放飯早不用排隊。掙扎咗一陣，最後都係揀最多人選擇嘅海鮮天丼，午市大大碗足料先$58蚊，唔知晚市是否同價呢？講番正題海鮮天丼（有虎蝦，魷魚，菜心苗，茄子，溏心蛋，蟹柳，蓮藕）虎蝦炸得很脆口，炸槳很薄身，調味剛好，而且蝦的肉質也不錯。另外我都好鍾意茄子，個心超淋又熱辣辣；菜心苗亦都比我想像中有驚喜，台面仲有教你唔同既食法，滿足的。這價錢這質素冇得彈，只係當日我地被安排坐後門隔離，環境就一般，但係唔緊要快食快走。