華嫂冰室 (皇廷廣場)

營業中

休息中

年幾兩年前已久聞華嫂個蕃茄湯底，可惜元朗對我尼個九龍人黎講，實在有少少遠仲要晨早起身先食到。所以一聽到話觀塘會開分店，心諗終於可以食到啦！ $25+$8轉蕃茄湯底 完全為左食個蕃茄湯底而黎😜芫茜湯底其實都好吸引，唯有留返下次。湯底都幾稠，華嫂尼個湯底全部用新鮮蕃茄熬成，好濃郁既原個蕃茄味，食落都幾酸下，感覺茄膏係無乜點落，係百分之百既真 · 蕃茄味呀！（不過可能會有人嫌酸得濟）個人口味黎講我覺得幾好食，好濃味好正。豬扒味道就普普通通，D肉易咬但唔會係死淋，唔係過度鬆肉粉果隻。幾彈牙，亦唔會煎到乾柴咁，唔錯唔錯。盛惠$33一碗，無飲品跟。鐘意蕃茄湯底既不妨一試既 餐廳環境方面就一般茶記格局，但就坐得好擠逼，同隔離枱既人基本上係椅背貼椅背，你想離開個位要幾個人企起身先讓到條路比你出。不過無計啦，咁多人排隊等食，咪唯有有幾多位就放幾多張枱囉。