琥酌 (已搬遷) 新店位置

昨天，約了朋友在尖沙咀覓食，尖沙咀向來多樓上鋪，價錢平啲又會好味啲，可以同朋友坐耐啲，談天說地，相聚一刻。今日係九龍公園附近揾食，係openrice揾到依間吉烈牛專門店，琥酌，個名幾日式，又可以食至愛既牛肉，所以慕名試下。入到去既佈置日式，幾暗，有氣氛，七點鐘入席，都幾多人gathering，睇黎係一個適合聚會地方，唔趕人走。睇下佢餐牌，有吉列牛既set，火煱，同酒，餐廳都放左好多日本出名既酒，有霧島、響等等，幾正！岩酒鬼！！我地最後叫左吉列牛，炸物set。前菜：味噌關東煮+牛肉，好重味噌味，配上蘿蔔同好淋既牛肉，係好既配搭。吉列牛： staff set左個小燒爐比我地燒，另設一啲本身炸左個邊既和牛，中間係生既，等我地自己燒。另外，有啲蔬菜可以燒。 我地每面燒佢大約40秒左右（店員suggest的），牛肉好濃牛味，好食又新鮮。炸物set: 有蠔，薯餅同蝦，配上燒汁，炸衣唔會太厚，咬落去都幾juicy，應該係用低溫炸完，再高溫翻炸，先做得出外脆內軟。食完之後我地就飲茶，佢既茶係濃既綠茶，食飽後消滯，可以坐好耐談天說地！總結，依間日本餐廳係聚會好地方，食物質數不錯，由其係吉列牛，可以翻桌！