回到味來 (已結業)

前排有係網站見到有片介紹呢間餐廳，都有心思思，但奈何約唔到人呢。終於比我約到肯同我食三重放題嘅人。我地就揀咗卜卜蜆煲，幾惹味，偶爾幾個會有沙，可以接受，好快我地就清完一煲，不過都無續加到。我地轉個口味，開始打邊爐，打邊爐都算係咁，樣樣有齊，丸類，酸菜，肉類都有嘅，不過肉類選擇就無算多，丸類比較多。其實食到最後，我地已經太飽，所以串燒係無叫到嘅。最後飲咗一杯台式飲品就已經100%飽肚啦，真係食到捧住個肚走。我覺的咁多嘢食仲包台式飲品，價錢嚟講都算值嘅。適合一大班人聚會！