影片
更多
2011-09-24
652 瀏覽
5月26日, 本來想去食平價意大利野saizeriya, 不過去到門口發現條人龍長到乜咁… 呢個時候見到對面馬路有間頗有特色嘅小店, 打正旗號賣閩南菜, 裡面又唔係太多人, 就姑且入去試下啦~::: 閩南滷麵 ::: $32入得嚟呢個閩南風味館, 又見到呢個閩南滷麵, 無理由唔叫嚟試下架~ 呢個滷麵真係一個實實在在嘅獻麵! 個汁係十分十分杰身嘅質地, 味道唔太濃郁, 但就頗重鹼水同油味. 麵條粗身, 煮得相當淋身, 連埋個杰到爆嘅獻一齊食, 感覺相當似糊仔… 個麵仲有其他配料包括蠔仔、肉絲、蔥粒等, 特別要講d肉絲基本上全部都係腩肉肥膏位, 連埋d麵同埋d獻食, 超膩!!::: 炒冬粉 ::: $32冬粉即係粉絲, 呢度嘅炒冬粉比較幼身, 雖然炒得唔夠乾但都唔算好油... 配料豐富~有雞蛋、肉絲、椰菜、冬菇、蘿蔔、蔥等~ 整體都幾入味, 冬粉亦好入味! 算唔錯, 但就比較普通… 無乜特別囉.::: 味菜蠔仔羹 ::: $20呢個味菜蠔仔羹真係超有閩南風味! 但就絕對唔係我地杯茶… 以為佢會好似碗仔翅咁有d有味獻湯, 但原來係一個圾蠔仔嘅獻… 味道極之腥! 面頭有好多蔥, 但就唔多見有味
::: 閩南滷麵 ::: $32
入得嚟呢個閩南風味館, 又見到呢個閩南滷麵, 無理由唔叫嚟試下架~ 呢個滷麵真係一個實實在在嘅獻麵! 個汁係十分十分杰身嘅質地, 味道唔太濃郁, 但就頗重鹼水同油味. 麵條粗身, 煮得相當淋身, 連埋個杰到爆嘅獻一齊食, 感覺相當似糊仔… 個麵仲有其他配料包括蠔仔、肉絲、蔥粒等, 特別要講d肉絲基本上全部都係腩肉肥膏位, 連埋d麵同埋d獻食, 超膩!!
::: 炒冬粉 ::: $32
冬粉即係粉絲, 呢度嘅炒冬粉比較幼身, 雖然炒得唔夠乾但都唔算好油... 配料豐富~有雞蛋、肉絲、椰菜、冬菇、蘿蔔、蔥等~ 整體都幾入味, 冬粉亦好入味! 算唔錯, 但就比較普通… 無乜特別囉.
::: 味菜蠔仔羹 ::: $20
呢個味菜蠔仔羹真係超有閩南風味! 但就絕對唔係我地杯茶… 以為佢會好似碗仔翅咁有d有味獻湯, 但原來係一個圾蠔仔嘅獻… 味道極之腥! 面頭有好多蔥, 但就唔多見有味菜, 就算有都無乜味. 蠔仔都有肉咬下, 但真係太腥, 我地食唔慣真係頂唔順… 被迫放棄!
食到無耐間舖忽然坐滿晒一大班福建人, 店員同鄉里頃刻將呢間原本簡陋樸素嘅小店搖身一變成為咗一間閩南同鄉會! 同鄉們除左以流利閩南話高談闊論食煙同隊大啤之外, 仲要喺度玩骰盅!! 成個場仿如一間光猛嘅酒吧一樣… 而基本上你唔係同鄉係完全融入唔到個環境嘅… 同埋店員都唔會好理你. 建議你都係學下閩南話扮下鄉里, 習慣埋佢地嘅閩南風味先再嚟入會啦!
張貼
