碼頭上魚

營業中

休息中

覓食無分國界，今次入到嚟元朗國碼頭故事打邊爐，餐廳喺樓上，沿着樓梯上去成個感覺都好有氣派。一嚟到侍應都會好主動問你食唔食辣，跟住就會上火鍋配料俾你，辣同唔辣嘅分別就係多咗中間個舊醬。第一次見到火鍋配料個兜係成個飯碗咁大🤣我同朋友揀咗鴛鴦湯底，一邊吃麻辣，一邊係鰂魚湯，仍然都係貫穿佢餐廳嘅作風，個火鍋真係成個面盆咁大！兩個女仔小鳥胃食得幾多，我哋叫咗條桂花魚、四色菜籃、紅糖糍粑，嘢飲方便叫咗蜂蜜綠茶同甘露羅漢果。最後仲叫咗兩碗冰粉作結。最鍾意打邊爐叫蔬菜果籃，貪佢咩都有啲，可以樣樣都試吓，又好似食咗菜健康啲咁～紅糖糍粑簡直係我成餐飯最終極嘅目標，亦都比較少餐廳有得食。冇諗到嘢飲係支裝。同行友人竟然冇食過冰粉，其實佢係好似涼粉質地，上面加咗啲芝麻、山楂碎、提子乾等材料，幾特別㗎。