影片
更多
2020-04-16
1655 瀏覽
由讀書時代食到而家，都叫有啲感情，又見佢個下午茶只係$29，加多6蚊有埋咖哩飯咁抵，本身都想介紹下，但店舖防疫既意識實在令人大感失望😅話說因為工作關係行到已經好攰，經過銀咖哩就想坐低食啲野先見到門口寫咗有關武漢肺炎既防疫措施，但門口未有店員咁就照入去坐低先店員之後見到，就一定要已經坐低咗既我起返身行返去門口先幫我探熱😓，其實我覺得就咁過黎探都得，有少少唔識變通，但呢個都係小問題，我行返去門口就算最大問題係本身個舖位已經好細，我見得中間嗰張枱附近係冇人就坐咗落去，但店員唔比，話呢張唔坐得，要我坐隔離嗰張二人枱但嗰張二人枱同另一張有人坐緊食緊野既枱距離係不足10cm😨😨😨啫係你同我講你為咗防疫要我同隔離枱坐得再近啲？成件事會唔會好唔make sense?😨😨😨我當刻就同店員表示「兩張枱好近喎😨」，店員只係話「唔近唔近」，再問「唔係要起碼1.5m咩？😨」，店員都只係答「得架喇」咁小編當下真係太攰行唔郁，又見隔離枱就快食完，就算隔離枱位媽媽見到都即醒水，叫佢個女快啲食，小編等到佢地走咗先敢除返個口罩點知問題又黎喇，我地食到中途，店員又安排咗個男人坐咗係我地隔離嗰張距離10cm都冇既枱😨啫係如果
話說因為工作關係行到已經好攰，經過銀咖哩就想坐低食啲野先
見到門口寫咗有關武漢肺炎既防疫措施，但門口未有店員咁就照入去坐低先
店員之後見到，就一定要已經坐低咗既我起返身行返去門口先幫我探熱😓，其實我覺得就咁過黎探都得，有少少唔識變通，但呢個都係小問題，我行返去門口就算
最大問題係本身個舖位已經好細，我見得中間嗰張枱附近係冇人就坐咗落去，但店員唔比，話呢張唔坐得，要我坐隔離嗰張二人枱
但嗰張二人枱同另一張有人坐緊食緊野既枱距離係不足10cm😨😨😨
啫係你同我講你為咗防疫要我同隔離枱坐得再近啲？成件事會唔會好唔make sense?😨😨😨
我當刻就同店員表示「兩張枱好近喎😨」，店員只係話「唔近唔近」，再問「唔係要起碼1.5m咩？😨」，店員都只係答「得架喇」
咁小編當下真係太攰行唔郁，又見隔離枱就快食完，就算
隔離枱位媽媽見到都即醒水，叫佢個女快啲食，小編等到佢地走咗先敢除返個口罩
點知問題又黎喇，我地食到中途，店員又安排咗個男人坐咗係我地隔離嗰張距離10cm都冇既枱😨
啫係如果萬一頭先對母女係受感染，而我地又唔理除咗口罩，我地又會受感染再傳染比隔離呢個男人，跟住我地走咗後，又會有人坐我地個位，個男人又再傳染比佢地，然後無限loop?😨
我唔知係公司policy問題定點，但成個做法有啲自欺欺人、本末倒置！好後悔一開頭見到咁既情況冇即走搵過第二間！
張貼
