龍順軒海鮮酒家

營業中

休息中

欣田邨開了間新酒樓，星期日下午茶來試下，2pm來到人不是太多，不用等位，我們坐的枱剛好有太陽照了入來，好舒服又寫意。環境也幾好看看點心先點了上湯鮮蝦水餃，五大粒，夠熱，水餃足料，有蝦，木耳，豬肉，好爽甜，仲有生菜。豉油王龍鬚炒麵，碟炒麵賣相吸引，份量不少，有葱，韮黃，芽菜，蛋，麵係幼身的，好好味呀，好多魷魚鬚，彈牙鮮甜。糯米卷有四件，不是白色冇料的糯米，而是淺啡色有花生粒的，軟淋淋好味。蝦餃四大粒，全部是蝦，夠爽，皮也夠薄抵食鯪魚球，十分大粒，有三粒，好豐富的口感，有馬蒂，葱粒，蝦米，鯪魚唔腥，唔會有好多粉的，下面有些腐皮。價錢抵食，又好食，又夠熱。