阿詩瑪壹菌 (已結業)

阿詩瑪壹菌呢個名令我諗起古裝劇人物間的稱呼而提到雲南菜，我估我應該剩係食過雲南米線，其他既好似無咩印象😅哈哈anyway，朋友介紹下今日就黎食下雲南菜。餐廳門面裝修同布置都好中國，紅色令人好精神，喜慶，岩晒同屋企人黎😂一坐低，職員就上茶同餐前小食。想講，呢個茶好好飲！職員話係糯米茶，我都係第一次飲，好香糯米味，清清地，雖然食糯米係好濟，但變左茶，感覺好消濟。只色係微黃色。餐前小食有三小碟有豆豆、青瓜同蘿蔔。前者脆卜卜，咸咸地，後兩者酸酸地，青瓜清爽，作為開胃菜幾好，等上菜時亦有野咬下。脆皮香酥鴨，叫左半只雖然半只，但好大只，份量好多，夠四人個食。一上枱就好香，鴨外邊炸到好脆，鴨肉預先奄左，好入味。味道好似鹽酥雞，好香口。鴨肉肉質嫩滑，肉有啲爽爽地既感覺。原條桂花魚，個底有薯粉、芹菜、豆腐、酸菜、豆牙等。唔算好辣，酸味較重，個湯好惹味，酸酸辣辣，超正！魚肉好嫩滑，點埋汁食，好夾！下面微火暖住，個汁唔會結，魚熱辣辣，唔錯！糖醋肉，炸到外脆內嫩。個汁甜甜酸酸，炒得好岩胃口。甜品大理羊乳扇剩聽個名真係唔知咩，問職員先知。佢地仲極力推介呢味送，甘就試下外觀似中式果啲蛋散，味道就似炸芝士片。炸到好