饗一品 (瀝源廣場) (已結業)

呢排係沙田周圍行周圍遊，又嚟咗瀝源跳呢邊，呢間日本嘢個位之前都轉過2-3次手，嚟到變咗做饗一品都好似有3定4年喇。裝修有日本風格嘅，算幾有心思。叫咗兩個午餐set， 一個係叉燒拉麵加幾件壽司，一個係牛肉壽喜燒鍋。先嚟咗個麵豉湯，唔知點解唔熱嘅係暖暖哋，搞到覺得怪怪哋，心諗一陣d嘢唔知好唔好味…嚟到又ok喎，特別個鍋好大份同埋有好多牛肉，同埋牛肉都算新鮮。其他食物都唔差，當然壽司唔好當好鮮甜嗰D啦，日本嘢嚟講物價算低，點都係抵食嗰d嚟。