八寶煮意 (已搬遷) 新店位置

全場被女仕佔據，真係咁好食？還是有美顏、瘦身之效呢？辣椒油，辣得異常含畜又微弱，香辣皆欠突出，要大量大量再大量的辣椒肉掛滿麵條才能滿足到我呢 ﹗淨崩砂腩，好食到無朋友，無得輸 ﹗筋膜嚥韌又帶膠，夾著鬆軟腩肉滋味無窮。藥材清湯已滲進每條肉絲之中，啖啖美味水潤。最後要滴湯不漏地一飲而盡，大滿足。魚蛋金錢肚麵走蔥，無要貪新鮮，食招牌菜牛腩已足夠。金錢肚腍劈劈，不爽不彈，居然腍中帶渣，技術高超。魚蛋趙到索索聲，假得離譜又無味，劣。幼麵有點腍有點漿，麻麻爽彈，非常一般。藥材湯常然隱陣香甜，蘿蔔爽而多汁都不錯，但可以更甜。牛三寶撈粗走蔥，估不到三寶浸湯另上。清湯腩一向價錢都比較貴，多謝 $80 蚊。普通牛腩，鬆化有咬口帶一絲鞋感。牛筋，非常軟棉滑滑，我鍾意。微暖藥材湯底依舊甜美，無投訴。粗麵好濕而黏喎，而且過腍一丁點，撈上大量辣椒肉快速地啜晒入口，合格。