小娘惹 (已結業)

呢間小娘惹都食過幾次㗎啦，次次食都咁好味，不過去親大多數都係食喇沙，今次轉一轉口味叫咗個巴東牛肉飯。巴東牛肉係印尼嘅名菜，呢度嘅巴東牛肉用咗牛肋肉，加埋秘製醬汁煮成，每舊牛肉都炆煮得好入味、好有口感，有椰香之餘更有少少辣同香料味，送飯真係好正！而且分量十足，牛肉同醬汁嘅比例剛剛好，加埋少少蒜片，真係好鬼惹味！白飯亦都煮得夠乾身，軟硬適中！而且更包埋老闆娘自家秘製嘅羅漢果水，飲落潤喉又舒服！每次去親呢間餐廳，都唔會令人失望！下次要再試吓其他菜式！