麻辣風雲 (京都廣場) (已結業)

☞ 銅鑼灣 麻辣風雲 ☜ ———————————————除咗炸饅頭，呢度其他嘢食都好出色😚———————————————◊ 荔枝蝦球 ($68) ◊出面佈滿脆粒，咬落脆口。再加上入邊嘅蝦肉彈牙，點埋蜜糖，會食到停唔到口。另外，佢擺設係一粒一粒掛喺棵樹上邊，真係荔枝樹咁，打卡一流🫣美味程度: ㊣㊣㊣㊣.5/5◊ 酸菜魚+紅薯粉 ($268+30) ◊份量十足，大大碗。魚片食落去唔會有腥味，而且完全冇骨，魚肉咬落去有少少彈牙。至於湯底飲落去重酸菜味，如果鍾意食辣嘅人可以嗌辣啲。紅薯粉咬落去煙韌，大食嘅人可以加配埋😝美味程度: ㊣㊣㊣㊣㊣/5◊ 水晶肉 ($68) ◊啫喱同肉嘅份量一半一半，肉質食落去偏軟身，再點埋醋一齊食，係唔錯嘅開胃小菜😌美味程度: ㊣㊣㊣㊣/5◊ 黑糖脆炸糍粑 ($58) ◊糍粑食落去外脆內煙靭，再加上黃豆粉同埋黑糖醬，食落去好邪惡。溫馨提示，記住趁熱食😆美味程度: ㊣㊣㊣㊣㊣/5◊ 洛神花茶 ($48) ◊飲落去冰涼，整體味道偏酸，飲落去唔會太甜，啱埋平時唔太鍾意飲甜嘢嘅人🤩美味程度: ㊣㊣㊣㊣.5/5———————————————📍:麻辣風雲銅鑼灣駱克道491-49