影片
更多
2010-01-01
9 瀏覽
一早先決定同老公去赤柱食除夕飯，搵完資料就打電話去book，原來做半自助晚餐，二百五十元一位，ok 喎，不過，佢又要人留credit card 資料，話唔出現要收四十元手續費，嘩﹗惡d喎，無book到，反而book佐對面0個間—King Ludwing Beerhall。六點去到King，因為佢話要八點半交台，其實又唔想食得咁急，見到Wildfire walk in 又有位，又無話要限時，所以都係揀返佢。一坐低，佢俾佐個好近拎野食既位，心唸︰無book位，係咁架啦﹗台上有支礦泉水，個女侍應就話，幫你地斟水啦，咁梗係好啦﹗然後就去拎野食，頭盤係自助既，都有幾多食物，有煙三文魚、凱撒沙律、翡翠螺、凍蝦，我同老公都覺得翡翠螺同d蝦都幾甜，因為仲早，拎食物都幾方便，我見隔離台有個大陸佬拎滿成碟三文魚，唔駛嘛﹗坐到咁上下，見到有對情侶，佢地都係無book台既，佢地有得坐近窗口位，我見0個時仲有窗口位，就叫老公問下可唔可以轉位，點知個女侍應用不是太客氣既口吻話︰d台已經俾人book晒，心唸︰你哩d真係叫做睜大眼講大話﹗只係食佐第一輪，個女侍應就走埋黎，叫我地order main dish，我就要
一早先決定同老公去赤柱食除夕飯，搵完資料就打電話去book，原來做半自助晚餐，二百五十元一位，ok 喎，不過，佢又要人留credit card 資料，話唔出現要收四十元手續費，嘩﹗惡d喎，無book到，反而book佐對面0個間—King Ludwing Beerhall。
六點去到King，因為佢話要八點半交台，其實又唔想食得咁急，見到Wildfire walk in 又有位，又無話要限時，所以都係揀返佢。一坐低，佢俾佐個好近拎野食既位，心唸︰無book位，係咁架啦﹗台上有支礦泉水，個女侍應就話，幫你地斟水啦，咁梗係好啦﹗然後就去拎野食，頭盤係自助既，都有幾多食物，有煙三文魚、凱撒沙律、翡翠螺、凍蝦，我同老公都覺得翡翠螺同d蝦都幾甜，因為仲早，拎食物都幾方便，我見隔離台有個大陸佬拎滿成碟三文魚，唔駛嘛﹗
坐到咁上下，見到有對情侶，佢地都係無book台既，佢地有得坐近窗口位，我見0個時仲有窗口位，就叫老公問下可唔可以轉位，點知個女侍應用不是太客氣既口吻話︰d台已經俾人book晒，心唸︰你哩d真係叫做睜大眼講大話﹗
只係食佐第一輪，個女侍應就走埋黎，叫我地order main dish，我就要 ribs，老公就要肉眼，食唔夠多一陣，兩碟野就黎啦，嘩，咁大碟，味道ok啦，d肉好腍，不過就唔係嫩咁，一共有五大條，分佐一條俾老公，自己食佐兩條就放緩落黎，老公就話佢個牛都不錯，哩0個時候，見到有d人揀佐pizza，原來係完整的一個大pizza (十足pizza hut 一個大批) 有人只係食佐兩件就放棄，最終要拎走﹗仲有，見到門口有對情侶係門口，聽完介紹俾人帶入黎，佢地就正正坐係我地本來想掉去既窗口位，唉，咁都得﹗最後都明啦，因為佢先編我地坐出d，門口d 人望過黎，咪好似好滿座咁囉﹗
當我仲未成功征服個主菜，女侍應又走埋黎，問我係唔係食完，幫我收，唔該睇真d，我仲有兩大條，食得慢d啫，唔駛咁﹗你個餐牌寫明係6-10架，望一望錶，只係七點幾，你愈急，我就愈慢﹗
不過，由於係太飽，再戰多一條，最終都係放棄，女侍應當然走埋黎收野，仲講︰幫你地上埋甜品，望一望錶，都仲係七點半，我都不禁講︰要等一等﹗最終，佢係七時四十五分又走埋黎話上甜品，無辦法，只好屈服﹗
甜品同餐茶都到佐，老公話想食返轉頭，又去拎三文、翡翠螺，我就慢慢開始食甜品—有驚喜喎，有件檸檬餅幾好食，同埋有件朱古力蛋糕都幾好，最終八點半埋單，女侍應第一次拎單埋黎，五百幾，兩位連加一，岩數，點知，轉頭又拎一張埋黎，話剛才計少佐，原來佢一開頭0個支水，要收錢，盛惠︰$48，結果總數︰$600 ，oh，原來要收錢，唔係飲唔起，不過，你下次開之前，可以講聲先囉，其他好多餐廳，都會有支野放係度，不過都會講要收錢既，如果你話要收錢，我不如叫你d飲品啦，大把飲品都做緊買一送一，需唔需要$48開你支水？哩刻，都有少少被屈錢既感覺，不過，老公話費事出聲啦，哩間野，都無下次﹗
睇一睇錶，結果都係八點半交台囉﹗都係坐唔得耐﹗
好坦白，哩間餐廳，食物質素都不錯，不過服務方面，真係要改善下，如果要快快收野，趕做下一輪，我寧願你講明要幾點交台，咁樣被「監視」下食野，都真係唔舒服，食物既然做得唔錯，都係時候注意下員工既服務，如果唔係，都幾趕客﹗
張貼
