西記粥店 (已結業)

雖然並非首選，但之前都有諗過o黎呢度，尋晚終於o黎o左。格局似街坊粥舖，不過竟然有下午茶餐同套餐喎！結果同太太倆個叫o左倆個套餐：艇仔拼炸腸加豆漿、滑牛拼炒麵。樓下食評話炸腸唔脆，但今次好脆喎，好可能係咁好彩夾o岩時間...腸粉皮都OK唔o鞋。粥都唔錯，幾綿o下，亦唔覺太勁味精。炒麵比較一般，豆漿就最差，真正淡而無味。炒麵同艇仔同好細份，滑牛同炸腸就幾大碟o下！環境算整齊清潔，街坊粥舖合格有餘喇。