永華麵家 (已結業)

永華嘅麵同雲吞都係出曬名嘅，仲有南乳豬手，陳皮紅豆沙等，都非常之受食客嘅歡迎，間店日日都好旺吖！有時見到等位嘅人太多真係唔想等吖，不過有時候特別想食就乖乖去等位咯！我自己好鐘意呢度嘅雲吞，所以成日都會點淨雲吞，呢度嘅雲吞細細一隻，但係餡望落去就係圓圓大大嘅一粒，皮比較薄，好滑，食得好爽！蠔油芥藍，芥蘭望落去顏色好清綠，反正味道一般。我妹要嘅雲吞麵，竹升麵比較硬身，口感好好，我就係鐘意呢种唔係咁霖嘅麵，比較有好食。陳皮紅豆沙，食咗一啖覺得紅豆味好濃郁，有D陳皮嘅清香，剩低嘅全部入曬我妹嘅肚度，佢平時嘅肚細又話減肥，今次食完碗麵仲將成碗糖水食完，睇來紅豆沙係真係啱佢胃口喇！