十三座牛雜 (已結業)

13座牛雜都算係著名小食店，初時只係用依個鋪位做工場，所以當時只會聞到香味而冇得食，後來可能終於攞到牌於是打開門口做生意。但牛雜牛腩依類食品個汁係最緊要，而且係需要假以時日去熬先有味，所以開張初期啲味道都係麻麻地。近來再幫襯發現有改善，但都仲未達到其他分店嘅水準。佢哋嘅牛雜分三個份量發售，一串六舊賣八蚊，純粹俾你過下口癮但最唔抵食；四十蚊有一大碗，但反而唔及得上三十蚊嘅細碗，一來兩款碗嘅容量其實唔係差咁遠，而且大碗會用蘿蔔墊底所以有啲搵笨。依度最大嘅問題係成日都唔開門做生意，而且又唔知佢幾時同邊日休息，所以撞啱有開就算，唔好特登嚟食。