有錢佬靚粥 (已結業)

揸住架車喺東大街搵食難度極高，一嚟難搵位泊車，二嚟俾你搵到個位又要擔心隨時被抄牌，所以一定要速戰速決。老實講嚟呢度食唔係因為啲嘢好食（之前根本未食過），而係貪佢位置夠方便，可以望實部車，食都食得安心啲。雖然呢度專賣生滾粥，但食粥時間太長唔啱我，點咗豉油皇炒麵、魚蓉燒賣、蝦米腸。炒面係即炒，ok有鑊氣，唔錯！燒賣煙靱，加豉油辣油後有種獨特香氣。蝦米腸都好軟滑，配秘製醬汁，好味！東大街嘅小食嚟講，呢間算係價廉物美，屬水準之上！