牛霸小麵店 (已結業)

《牛霸小麵店》灣仔隱世台灣牛肉麵🍜，小店位於灣仔繁華中的小巷子，感覺帶點神秘，麵店裝潢同一般台灣麵店不一樣，帶點工業風⛓一路播歌一路食，感覺都幾輕鬆。💃＜招牌麻辣牛肉麵＞🍜依家真係唔講得笑，好大碗🤣一上枱勁香麻辣味🌶，牛肉件件都好大件，因為佢係條狀起初我以為係牛腩嗰類，點知原來係牛𦟌♥️炆得好冧♥️好好食。＜鹽酥雞拌麵＞🍜🧆又係好大碗，我超喜歡佢個麵，口感好好，加上配料好多，食左半碗先醒起個鹽酥雞🐥一碟有成5大粒，粒粒都大，超香脆🤤＜秘製小茄子＞🍆我覺得係必點，佢不是用油炸方法，感覺比較健康，加上有甜甜油膏香蔥同豬肉鬆，好快就比我地清哂。其實應該可以叫多一碟😆＜台灣夜巿小拼盤＞小拼盤有四種食材，重點係小香腸同炸豆腐，個炸豆腐好好食沾埋木魚超正。另外有鹽酥雞同炸花枝丸🤭飲品方面我地叫左，青蘋果梳打同洛神花茶🍹飲品其實都好多選擇，仲有酒精類飲品，食完野叫返杯酒精飲品喺到傾計都幾舒服☺