華香園

營業中

休息中

呢間雲南米線店隱藏係街市隔離，望落去同普通茶餐廳冇乜分別，睇個名都唸唔到係賣雲南米線既，我係雲南米線既fans，譚仔既常客，但如果唔係朋友介紹既話，可能我都唔會特登行入去食。餐廳唔大，有兩間房可以坐，如果廚房呢邊冇位可以沿著走廊行入少少，就可以見到仲有一間房，擺左幾張檯，不過寫嘢既時候就需要行過去叫伙計寫啦。強烈推薦佢既炸醬撈米線，炸醬、花生好足料，可以再額外加餸，我鍾意加枝竹、牛展、肥牛，有時都會加餐肉。如果可以食少少辣既，可以叫佢加麻辣，加左之後其實唔會好辣，但係更加濃味，好過癮。佢既凍檸茶都幾好味，檸檬片夠多夠新鮮。