Na Thai

營業中

休息中

發掘到跑馬地有間隱世泰國菜餐廳，食物質素幾好，原來已開業多年！餐廳環境幾有異國風味，靜靜地又幾舒服。首先要介紹嘅係佢嘅燒豬頸肉配酸子醬。燒豬頸肉烤得香脆多汁，肉質爽口，搭配上酸子醬嘅酸甜香辣風味，真係好味！接下來就係泰式海南雞半隻，雞肉鮮嫩多汁，雞皮又好滑。搭配上泰式特製嘅醬汁，好夾。蒜蓉炒椰菜苗，椰菜苗嫩綠爽脆，炒得恰到好處，加上香脆嘅蒜蓉及辣椒，好香辣。泰式蝦炒金邊粉當然是必叫。金邊粉係一款泰國嘅經典麵食，佢嘅口感彈牙，配上新鮮嘅蝦仁同其他蔬菜，味道酸酸地，絕對係一道讓你胃口大開嘅菜式。呢度嘅泰國料理幾出色，價錢又唔貴，泰菜之選。