影片
更多
2015-11-21
1479 瀏覽
就係工佢地方附近既柴灣角街有一排大排檔，位置隱蔽，唔係度反工都未必知道，最外面有一檔"大車"，好受附近打工仔歡迎架，吉列豬扒飯係鎮店之寶，皆因佢超級大件，一碟飯有兩大件豬扒，味道當然好味啦！醬汁仲有6款可自由配搭，通常過左lunch time就賣哂！今日我地2點幾先來到，例牌賣嗮，又無得食，所以友人叫左煎豬扒飯，都一樣係double兩大塊上架~佢仲加多隻太陽蛋添！香煎豬扒飯配香蔥豉油汁 $45送冷熱飲 (+$6煎蛋)移開太陽蛋，就見到兩大塊煎豬扒！豬扒很香夠入味，兩面煎得金黃，肉質嫩滑，肉汁豐富，最喜歡扒骨旁邊的油脂，既香脆又入口即溶 另外大車另一必吃既係西多士！大車西多士$35 (下午茶時間送凍飲)聽說要炸一件色水均勻既西多係好花工夫既，要用慢火，望實個火慢慢炸，先可以有咁靚既金黃色，如果貪快用大火，就會太深色，而且色水唔均勻！而大車既西多士，色水均勻，炸得金黃，麵包外層微脆很有蛋香，中間既麵包非常軟綿，中間既花生醬餡仲有流心效果架wor 我相信呢件絕對稱得上為完美西多士！雖然邪惡，但咁好味肥死都要食架喇!橫掂都肥開，索性加多杯華田爆脆。華田爆脆 $20 (跟餐+$6)雖然呢杯華
最外面有一檔"大車"，好受附近打工仔歡迎架，吉列豬扒飯係鎮店之寶，皆因佢超級大件，一碟飯有兩大件豬扒，味道當然好味啦！醬汁仲有6款可自由配搭，通常過左lunch time就賣哂！
今日我地2點幾先來到，例牌賣嗮，又無得食，所以友人叫左煎豬扒飯，都一樣係double兩大塊上架~佢仲加多隻太陽蛋添！
香煎豬扒飯配香蔥豉油汁 $45
送冷熱飲 (+$6煎蛋)
移開太陽蛋，就見到兩大塊煎豬扒！豬扒很香夠入味，兩面煎得金黃，肉質嫩滑，肉汁豐富，最喜歡扒骨旁邊的油脂，既香脆又入口即溶
另外大車另一必吃既係西多士！
大車西多士$35 (下午茶時間送凍飲)
聽說要炸一件色水均勻既西多係好花工夫既，要用慢火，望實個火慢慢炸，先可以有咁靚既金黃色，如果貪快用大火，就會太深色，而且色水唔均勻！
而大車既西多士，色水均勻，炸得金黃，麵包外層微脆很有蛋香，中間既麵包非常軟綿，中間既花生醬餡仲有流心效果架wor 我相信呢件絕對稱得上為完美西多士！
雖然邪惡，但咁好味肥死都要食架喇!
橫掂都肥開，索性加多杯華田爆脆。
華田爆脆 $20 (跟餐+$6)
雖然呢杯華田爆脆推出左成年，但一直無試過，食茶記都係中意飲凍檸茶，酸酸甜甜凍冰冰，解喝又可幫助消化一下麻！今次心血來潮就叫杯黎飲下~
爆脆其實即是面頭望落好似餅碎既阿華田脆糖，食落脆卜卜好得意，在口中溶化後就變成濃濃既阿華田了！但係要快快食左佢先飲啊，耐左就會溶哂入杯野度了！之不過溶左入去都非常美味，呢杯阿華原本都很濃，部份脆脆溶入後，就變更濃郁更好喝了！另一友人就健康多了，點了一個常餐，
包含了雪菜肉絲米，兩只太陽蛋，牛油方包及熱飲~
太陽蛋煎得太美，雞蛋要新鮮才會有這樣挺身的蛋黃呢，而且頗大只，看來店家有誠意地用上了較貴價的雞蛋呢，忍不住來個大特寫！ 另外店家另一特色係定期都會轉餐牌架，豬扒飯果個餐牌固定既，另外有個餐牌有時會係台式食物，有時意式，有時泰式，係度反工食飯唔會悶啦！
黎開呢頭見工呀，送貨呀，整野呀...可以試下丫，仲有機會見到大排檔啲可愛貓貓架 ♥ ♥ ♥
張貼
