852kitchen

營業中

休息中

1. 852鹵水拼盤（$68）個鹵水汁有層次唔係死咸，好好食，有豬大腸、紅腸、豬腩肉，雞翼同埋豆腐，全部都好入味，而且份量幾多，讚！2. 秘製麻辣口水雞 （例牌,$58）個麻辣汁夠麻夠辣，好好食，雞肉好嫩滑，而且勁多花生，超級正，屋企人爭住嚟食！3. 臘味三寶煲仔飯（$78）啲飯一粒粒，令立立，索曬臘味啲油香，臘味份量都算多，煲仔飯絕對係水準之上！買粉麵或者飯送一包紙包飲品。因為買滿50蚊，仲會有九折。老細話湯底完全冇加味精，下次試下先！