串串貢 (已結業)

尋日路過ssp拎野，泊低架車嗰陣時就發現哩間野，早幾日先同朋友講想食串串，點知誤打誤撞俾我搵到。拎完野之後就膽粗粗上去試下，上到去見得一枱客，間鋪又好細，心諗中伏叫左麻辣少辣同蕃茄駌鴦湯底，蕃茄嗰邊有啲蘋果喺度，好香好甜，好fresh既感覺，另一邊麻辣少辣都覺得好辣，不過好香，唔係平時溝辣粉既味道串串款式唔算少，好多特別野食，鹵水鹵味好正有個男人應該係老闆，過來加水又同我地講兩句問夠唔夠辣，唔夠可以加辣，我話太辣，佢問我係咪少辣，如果少辣都辣下次可以試bb辣同老公兩個人食下食下唔覺唔覺就兩個鐘！好正！同老公一共食左130串，有下次