影片
更多
2018-04-09
87 瀏覽
路經西營盤，咁啱見到呢間裝修西式但主打川菜嘅餐廳，就入去試下。裏面嘅裝修都好西式。我哋叫咗個雞絲酸辣米線($56)，麻辣牛展涼麵($58)，先鋒冷盤($68)，兩杯薏米水($22杯)。另加一服務費。埋單$248(共2人)。薏米水足料，仲有冬瓜粒，配麻辣菜式一流。^_^呢個係先鋒冷盤，$68有4種冷盤算係抵食。擺碟夠靚，凍牛肉夠牛肉味，牛雜都夠辣夠入味。炎炎夏季開始到，食埋拍黃瓜同木耳感覺好清新。醬汁夠多，黃瓜爽脆，木耳較腍。雞絲酸辣米線相比冷盤失色。料係靚嘅，唔會俾啲冇味雞肉你，係足料嘅。不過個湯就唔太過出色喇。麻辣牛𦟌涼麵唔錯喎。麵質有咬口，汁夠多，唔會乾爭爭，黃瓜絲芫荽多到剩。就咁食個麵略為淡口，一啖麵一啖肉就啱啱好的。冰凍麻辣微鹹加埋大量黃瓜芫荽，係好清新又感覺健康，算係出色嘅涼麵。
裏面嘅裝修都好西式。
我哋叫咗個雞絲酸辣米線($56)，麻辣牛展涼麵($58)，先鋒冷盤($68)，兩杯薏米水($22杯)。另加一服務費。埋單$248(共2人)。
薏米水足料，仲有冬瓜粒，配麻辣菜式一流。^_^
呢個係先鋒冷盤，$68有4種冷盤算係抵食。擺碟夠靚，凍牛肉夠牛肉味，牛雜都夠辣夠入味。炎炎夏季開始到，食埋拍黃瓜同木耳感覺好清新。醬汁夠多，黃瓜爽脆，木耳較腍。
雞絲酸辣米線相比冷盤失色。料係靚嘅，唔會俾啲冇味雞肉你，係足料嘅。不過個湯就唔太過出色喇。
麻辣牛𦟌涼麵唔錯喎。麵質有咬口，汁夠多，唔會乾爭爭，黃瓜絲芫荽多到剩。就咁食個麵略為淡口，一啖麵一啖肉就啱啱好的。冰凍麻辣微鹹加埋大量黃瓜芫荽，係好清新又感覺健康，算係出色嘅涼麵。
張貼
