拉麵小町

營業中

休息中

之前睇Mill MILK介紹，拉麵迷嘅我就特登嚟試下呢間拉麵店。呢間拉麵店係坑尾村落車行幾分鐘就到，唔算太難搵，因為冇堂食，我就叫左外賣自取返屋企慢慢享用。今次我叫左鹽拉麵再加白叉燒。佢個曲麵偏幼身，但麵質非常彈牙掛湯！好抵讚👍🏻湯底方面係魚介豬骨湯，入口滑身又有少少漿口，飲得出豬骨同魚介濃厚嘅鮮味，比一般拉麵店個湯底冇咁鹹，可以飲晒成個湯都唔覺得好heavy。叉燒油脂豐富，燒得好香，feel到啲脂肪一層層咁融化，而白叉燒軟冧有肉香，兩種叉燒都好食。好難得天水圍都可以有間咁高質嘅拉麵店👍🏻味道好，價錢合理。