湘聚小廚

營業中

休息中

今日白色情人節 平時喺上環返工 諗住去遠少少食野就去咗西環 揸車經過條日富里暗行 以為入唔到原來車都入得 呢度都幾偏僻有幾間菜館 將架車就咁泊喺餐廳門口都唔驚抄牌哈哈 佢今日就試吓湖南野 入到去都幾多人 我哋叫咗炒粉絲 孜然骨 同埋口水雞 因為辣得滯嘅關係我哋一人叫咗一罐椰子汁個炒粉絲好多 兩個人絕對食唔晒本身諗住叫水晶粉但個員工介紹話粉絲會乾身啲香口啲水晶粉會濕啲辣粉 所以最後揀左粉絲孜然骨上面好多辣椒 成隻豬髀肉 啲肉好嫰最好食係個口水雞 好入味凍冰冰其實仲有好多餸菜都好想叫但因為我地得兩個人食唔晒 下次再試其他餸如果鍾意食辣嘅人可以黎試吓