黃喵餐廳 (已結業)

平時去葵芳都係去葵廣掃街多，今次就喺IVE附近試咗間泰菜餐廳！成間分咗上下兩層，食物質素唔錯而且坐得幾舒服～重點係佢哋有啲期間限定嘅優惠，例如「泰式無骨豬手」只需$58，真係幾抵食🤩！▪️辣椒膏炒蜆 $88▪️呢個炒蜆真係分量超多，我哋兩個人食極都好似仲有咁！雖然用咗辣椒膏但係唔會太辣搞到食唔到，反而係好惹味🤤啲蜆都冇沙，好好食👏🏻▪️泰式烤魚 $88▪️呢個烤魚係即叫即烤，需時20分鐘～成條黃花魚去除晒大骨，中間包住咗啲香料一齊烤，另外仲有個泰式醬汁俾你蘸，食落真係好有泰國風味🇹🇭，而且啲魚烤得啱啱好，肉質幾嫩滑！▪️泰式無骨豬手 $58▪️呢個豬手真係好抵食，係期間限定嘅優惠，就算特價都係勁大碟 😍 最鍾意食豬手啲皮，勁厚勁邪惡，而且成隻豬手都整得好入味！▪️大蝦蛋包金邊粉 $108▪️食泰國菜必須食金邊粉～呢間特別嘅係用咗蛋包住晒啲金邊粉，而且啲蝦勁大隻😱，金邊粉都炒得幾乾身。▪️泰式奶茶 $28 | 椰青 $48 ▪️兩款飲品都唔錯，特別係泰式奶茶🥤都整得幾香幾正宗，有泰式奶茶嘅甜味但唔會過甜。