潮饗

營業中

休息中

相信唔係好多將軍澳街坊認識呢間係小巷中嘅潮州食店。早排被一個熱門YouTube channel介紹，雖然舖頭細細只有幾張枱，但係係一間非常用心做好食物嘅小店。週末午市都有各式各樣套餐，有滷水，有潮州粥，亦有炒粉麵飯等等。非常推薦大家去試一試。鵝片拼墨魚飯（$62），鵝片同墨魚下面仲有幾舊滷水豆腐，鵝片同豆腐味道都滷得好好味，墨魚都好彈牙。紫菜蠔仔肉碎粥（$50），蠔仔好大粒好新鮮，個湯都好鮮甜。豉椒牛肉炒河（$55），非常足料，味道唔會太鹹。