賦湯稻火

營業中

休息中

今日我喺朋友介紹之下，去咗一間大角嘴嘅隱世火鍋店，鋪頭唔算易搵，但係去完之後，覺得遠啲都係值嘅。朋友介紹一定要試嘅係招牌菜——花甲蟹鍋湯底。花甲蟹鍋湯底係火鍋嘅靈魂。花甲同蟹都好新鮮，加上細心熬煮嘅湯汁，濃郁得嚟帶有海洋嘅鮮美同清甜。湯底係淡淡嘅黃金色，散發出誘人嘅香氣。象拔蚌唔係間間都好食，呢間嘅象拔蚌口感鮮嫩，紋理分明。喺花甲蟹鍋湯底裏面煮完之後，將湯底嘅鮮味提升到另一個層次，貴少少都應該要食。牛肉係我最重視嘅火鍋材料，我哋叫咗一個牛肉拼盤，唔同部位同油份嘅牛肉都有，啱唔同口味嘅朋友，牛肉肉質鮮紅有彈性，碌十秒好喇，牛肉鮮嫩，同湯底嘅濃郁完美融合，每一啖都能令人滿足。餃子同手打丸都係必食，三款唔同嘅餃都係皮薄餡多，餡料嘅調味恰到好處。煮熟之後，餃子吸收咗湯底嘅精華，如果唔係太飽，仲想再order多一碟。