YKK建榮

營業中

休息中

朋友成日都話依間打邊爐又平又靚，今日終於有機會試一試啦，雖然係大排檔，但係坐嘅地方都好舒適，而且夠晒光猛，因為錯門晒客人，有啲嘈，但係最緊要嘅係店員已經十分之盡力啦。今日我哋叫咗個豬骨煲，朋友都話呢個豬骨煲做法好正宗，有胡椒味，但係又唔會好辣，番茄粟米，又夠新鮮，真材實料，豬骨夠晒大嚿，全部份量都好大好新鮮。我哋叫咗一碟牛頸脊，超級新鮮，牛肉嘅味道夠晒濃厚，果然係上等貨色。魚卜夠晒新鮮，而且份量有多，價錢實惠，真係自己去街市買，都唔會咁平啊，放落個湯度，滾幾滾，就食得，唔會有腥味，爽口又彈牙，完全感受到佢補充緊我嘅骨膠原。蟹子手打墨魚滑，肉質夠晒紮實，而且味道濃厚，軟硬適中，入口每一粒蟹子深透口內每一個細胞，份外滋味。