爆丼丼 (已結業)

話說今日放工要到荃灣買嘢，咁就順便搵下有咩好食處啦。不過以荃灣咁大嘅區域，真的好像大海撈針咁。縮小範圍後，選擇食日式料理啦。咁自己又喺眾安街附近，就選擇咗爆丼丼啦。入到店舖後，店內嘅人不多。不過坐多陣後，就愈來愈多人啦。眼見咁多人都book咗檯，咁我當堂信心大增。首次揀咗人氣之選嘅安格斯牛肉鵝肝丼，再揀南蠻炸雞丼，再揀小食－紫薯金粟餅，日式炸餃子，明太子雞翼，唐揚日本魷魚。人氣之選嘅安格斯牛肉鵝肝丼真的唔好，不過鵝肝有少少血水，可能唔夠熟。但牛肉好嫩滑。至於南蠻炸雞丼都足料，唔似吉野家個炸雞飯咁得4件雞球。但有少少雪味，可以再做得更好。小食就非常不錯，紫著金粟餅炸得超好脆，日式炸餃子亦能鎖住肉汁。另外2款小食亦一樣咁香口。好正。估唔到開喺唔太當眼嘅小店會有咁高水準，希望小店能夠撐下去啦。