屋喔 (已結業)

以前好盛行台灣既美食，但因為台風已經吹過，所以依家已經少左好多台灣既食肆，最多都係肉燥飯、牛肉麵等等，雖然正宗既台灣美食已經少之有少，但依然有少部份既存在，係中環依間叫屋喔既台灣餐廳，就係其中之一～雖然係中環位置，但位置都比較隱閉，感覺似係香港隱世既台灣美食xd唔係朋友帶我黎食都唔知有間咁既台灣餐廳～環境裝橫係歐陸風格，看似係一個西式餐館，而且好多擺設都別具特色好多地道既台灣小菜，對少食台灣野既我會特別有興趣玫瑰洛神花茶，好香玫瑰味，而且加埋紅棗，味道清新又香甜，玫瑰香濃又帶點甜甜既味道，價錢唔貴之餘又唔錯～健康又滋潤身體～屋喔台式鹽酥雞，鹽酥雞炸得好香脆，食左好多件雞都唔覺肥膩，脆身帶咸味感覺岩岩好，就咁食或送飯都一流～價錢仲要唔貴先係重點！野菌牛柳粒，牛柳粒香濃多汁，食落夠juicy，野菌亦都好入味，兩種炒埋一齊好夾，入味得黎又夠抵食～紅油抄手，帶微微既酸辣，味道唔錯，皮薄饀靚，好食過出面連鎖店果啲多多聲，要比個like！整體黎講，食物方面有水準，而且價錢夠抵食，係中環已經好難搵到$40樓下既美食，環境唔錯，但可以就係地理問題，好少會經過既行仔，同佢有緣之人要好好珍惜～