影片
更多
2020-03-13
100 瀏覽
夜晚放咗工, 嚟到呢間Star Kitchen餐廳同朋友試下佢嘅晚餐， 之前已經試過佢嘅午餐份量大件又抵食 ，味到仲好好， 所以就想睇下晚餐如何。餐廳佈置溫馨，雖然唔算多座位但係都寬敞舒適， 同朋友休閒小聚，傾計絕對唔係問題。可能我哋早到， 所以開頭都仲有好多位，但去到後尾已經座無虛席。前菜方面，佢嘅芝麻醬生菜沙律真係好好食，呢個前菜完全冇任何花巧勝在所有菜都好新鮮。餐湯方面，今日嘅餐湯係忌廉粟米湯， 佢嘅餐湯好好飲，而且又多粟米完全唔係普通嘅罐頭湯。主菜方面 ，我哋叫咗兩個主菜一齊share ，一個係都柏林 bbq 豬肋骨配蜜糖薯條， 豬肋骨烤得剛剛好 ，十分軟熟，而且最好食係佢個醬， 佢嘅薯條炸到好脆 ，配埋蜜糖， 恰到好處， 令人回味無窮 ， 而且以148蚊套餐嚟講佢嘅份量真係好抵食， 食完超飽不得不讚佢個伴碟焗蒜頭 ，個人覺得覺得焗得剛剛好 ， 配埋香料好惹味。另一個係紅酒橙汁法式 慢煮油封鴨髀陪美式焗薯，初時以為紅酒配橙汁呢個醬會好奇怪點知食落去覺得酸酸甜甜好惹味， 而且聽老闆講呢個醬係佢自家製嘅，出面食唔到，感覺就係小店特製，好有特色同出面現成賣嘅醬去煮完全唔同， 特別要講
餐廳佈置溫馨，雖然唔算多座位但係都寬敞舒適， 同朋友休閒小聚，傾計絕對唔係問題。
可能我哋早到， 所以開頭都仲有好多位，但去到後尾已經座無虛席。
前菜方面，佢嘅芝麻醬生菜沙律真係好好食，呢個前菜完全冇任何花巧勝在所有菜都好新鮮。
餐湯方面，今日嘅餐湯係忌廉粟米湯， 佢嘅餐湯好好飲，而且又多粟米完全唔係普通嘅罐頭湯。
主菜方面 ，我哋叫咗兩個主菜一齊share ，一個係都柏林 bbq 豬肋骨配蜜糖薯條， 豬肋骨烤得剛剛好 ，十分軟熟，而且最好食係佢個醬， 佢嘅薯條炸到好脆 ，配埋蜜糖， 恰到好處， 令人回味無窮 ， 而且以148蚊套餐嚟講佢嘅份量真係好抵食， 食完超飽不得不讚佢個伴碟焗蒜頭 ，個人覺得覺得焗得剛剛好 ， 配埋香料好惹味。
另一個係紅酒橙汁法式 慢煮油封鴨髀陪美式焗薯，初時以為紅酒配橙汁呢個醬會好奇怪點知食落去覺得酸酸甜甜好惹味， 而且聽老闆講呢個醬係佢自家製嘅，出面食唔到，感覺就係小店特製，好有特色同出面現成賣嘅醬去煮完全唔同， 特別要講一講佢個油封鴨髀好好食 ，肉質好嫩滑， 老闆話慢煮要煮四個鐘先去到呢一個水準， 真係用心製作， 焗薯更加唔洗講， 同普通冇味薯仔唔同， 超好食。
飲品方面，我叫咗天際星空 （荔枝檸檬梳打蝶豆花）， 嚟到嘅時候下係透明白色，上面係有一層深藍色，攪拌完之後佢就變咗一杯淺藍色嘅飲品好靚， 而且味道好好， 荔枝同檸檬混合得好清新 係女仔會鍾意嘅顏色同味道， 打卡一流。
朋友方面佢叫咗紅粉佳人（ 士多啤梨yogurt梳打蝶豆花）， 朋友話好好飲好重yogurt味，初時擔心是多啤梨嘅飲品會好有藥水味，但最後飲咗又唔會，而且飲品攪拌完之後會變淺粉紅色 顏色，好靚味道又好好。
最後嘅最後，甜品我哋每人要在一個 自家製低糖tiramisu， 老闆話佢嘅tiramisu係自家親手製作，完全冇落糖，呢個對於女仕嚟講，簡直係一個美好嘅福音，而且食落又唔會覺得太淡，因為本身靠佢忌廉嘅甜味已經好足夠，成個tiramisu食落去軟綿可口, 好重咖啡味 ，又好好食。
整體嚟講，覺得呢一餐飯好好食，物超所值，值得回顧， 絕對要支持小店。
張貼
