野豬會 (已結業)

返工見到有人派傳單，知道有新餐廳開， 搵埋同事試下，位置真係有啲隱蔽， 都搵左一陣。地方唔算大，不過環境都算舒服，有露天茶座feel, 周圍有的樹包圍住。野食都唔錯，叫左個all day breakfast, 牛角包係有驚喜，上碟既時候係微暖既，鬆軟有好香牛油味，炒蛋就ok 啦，同事就叫左日式咖喱豬排飯，份量好足，豬排好脆，佢坐對面食都聽到咬落去脆卜卜既聲，不過同事話偏甜。可能新開無咩人知， 仲唔駛等位，可以一試。 或者放工過黎happy hour 下，我諗都唔錯。