影片
更多
2024-02-03
1201 瀏覽
真係要大大力推介呢一間小炒店！每次嚟到呢度，都可以食到地道小菜！平時都會同朋友仔一齊出去土瓜環食呢間小炒店，性價比高，大份又好食。而且老闆娘好nice，仲推薦咗好多好餸比我哋食！佢哋用心選料製作，而且海鮮都係好新鮮！今次就帶屋企人一齊去食飯，同埋每次去到呢間小炒店都坐滿食客，所以提早經電話book枱+落定單！因為有老人家係度，都可以叫佢哋少油同特製，仲可以另外點一啲額外嘅菜式，佢哋都可以幫手預先準備，非常貼心！同埋上菜都上得好快，比我哋可以襯熱食！五指毛桃螺頭燉雞腳湯 天氣咁凍，嚟一碗熱辣辣嘅湯就啱晒喇！份量十足，有好多螺頭同雞腳係入面，味道非常鮮甜，滋陰養顏、生津止咳、清肝明目、健脾補肺，好適合秋冬天飲！豆鍋枝竹火腩大鱔煲 (特製)呢個煲其實係集合咗我同朋友鐘意食嘅餸去整，紅燒豆腐先煎後燒，非常入味、口感滑嫩，仲有醬汁鹹配埋火腩同大鱔，味道一流，大鱔非常鮮甜又爽口，有興趣可以試下點呢個煲，但要提早預先落訂！上湯雜菜煲 (特製)未見咁大份嘅雜菜煲，入面蔬菜種類非常多，超有誠意，好啱素食者/健康人士食！花甲蒸蛋廚房精心製作，精美擺盤，非常有賣相。呢一種蒸法，可以令到啲花甲嘅精華及鮮味，同
每次嚟到呢度，都可以食到地道小菜！
平時都會同朋友仔一齊出去土瓜環食呢間小炒店，性價比高，大份又好食。而且老闆娘好nice，仲推薦咗好多好餸比我哋食！佢哋用心選料製作，而且海鮮都係好新鮮！
今次就帶屋企人一齊去食飯，同埋每次去到呢間小炒店都坐滿食客，所以提早經電話book枱+落定單！因為有老人家係度，都可以叫佢哋少油同特製，仲可以另外點一啲額外嘅菜式，佢哋都可以幫手預先準備，非常貼心！同埋上菜都上得好快，比我哋可以襯熱食！
五指毛桃螺頭燉雞腳湯
天氣咁凍，嚟一碗熱辣辣嘅湯就啱晒喇！
份量十足，有好多螺頭同雞腳係入面，味道非常鮮甜，滋陰養顏、生津止咳、清肝明目、健脾補肺，好適合秋冬天飲！
豆鍋枝竹火腩大鱔煲 (特製)
呢個煲其實係集合咗我同朋友鐘意食嘅餸去整，紅燒豆腐先煎後燒，非常入味、口感滑嫩，仲有醬汁鹹配埋火腩同大鱔，味道一流，大鱔非常鮮甜又爽口，有興趣可以試下點呢個煲，但要提早預先落訂！
上湯雜菜煲 (特製)
未見咁大份嘅雜菜煲，入面蔬菜種類非常多，超有誠意，好啱素食者/健康人士食！
花甲蒸蛋
廚房精心製作，精美擺盤，非常有賣相。
呢一種蒸法，可以令到啲花甲嘅精華及鮮味，同水蛋融合為一體，餸飯一流。
椒鹽九肚魚
一道好惹味嘅小菜，表皮酥脆可口，魚肉新鮮嫩滑，多重口感，正！
雜果沙拉骨
金沙骨外皮香脆又有咬口，再用上雜果、沙律醬將嘅香味再搭配上金沙骨，味道更滋味！
金薯牛柳粒
必點菜式！炸至金黃色嘅薯仔，香脆可口，外脆內軟，仲有微辣嘅牛柳粒，加埋醬汁好惹味！😋
五指毛桃螺頭燉雞腳湯
38 瀏覽
1 讚好
0 留言
豆鍋枝竹火腩大鱔煲 (特製)
36 瀏覽
0 讚好
0 留言
上湯雜菜煲
40 瀏覽
0 讚好
0 留言
花甲蒸蛋
55 瀏覽
0 讚好
0 留言
椒鹽九肚魚
60 瀏覽
0 讚好
0 留言
金薯牛柳粒
54 瀏覽
0 讚好
0 留言
張貼
