居酒屋·姫 (已結業)

🥳今日天氣咁好，又係星期五，梗係要約朋友Happy Gathering！去咗尖沙咀「居酒屋·姫」，呢度嘅裝修充滿日本風情，牆上貼滿咗好多清酒招紙，氣氛好舒服！🌸餐牌選擇都好豐富，有刺身、串燒、炸物同埋熟食等等，價錢都好合理，豐儉由人啊！👍🏻嚴選季節得上六款刺身組合（$558）擺款吸睛，由廚師精選六款時令刺身每款魚肉都非常鮮嫩，份量一啲都唔吝嗇，特別係帶子同海膽，令人一試難忘，好似係日本食既一樣！🐄牛面頰有馬山椒煮（$98）醬汁濃稠香甜，牛肉炆得好軟腍，完全唔癡牙，底下嘅玉子豆腐吸收晒所有精華，令人回味無窮！🐏紐西蘭羊胺（$198）呢個今年食過最正既羊架，燒得啱啱好，肉質香滑又保存到肉汁，仲有特製嘅醬汁，令味道更加突出！🐔自家製月見免治雞（$58）雞肉同雞軟骨混合，軟滑帶有嚼勁，點埋日本蛋汁，真係好好味啊！🦀松葉蟹肉斧飯（$198）松葉蟹肉既鮮甜味完全融入米飯之中，每人一碗份量啱啱好，好鍾意佢帶有飯焦嘅口感呀！🍶清酒（$88）店員推薦呢隻清酒好好飲，口感清爽，清甜中帶點果味，非常適合配搭刺身、串燒…可以中和油膩感，同提升整體口感！