辛之作手工糖水

營業中

休息中

之前食開佳記，呢間新開大概兩個月，之前食過一次之後，不斷幫襯。總結一下，我之前食過幾款甜品：腐竹薏米糖水：腐竹煲到溶晒，唔係一塊塊，非常香滑。但個人口味覺得稍為甜咗少少。腰果露：另一招牌作，好少聽過其他糖水舖有呢款，非常結的糊狀，好香好味。杏仁露：食得出好多磨杏仁口感，非常足料，相對其他糖水，呢隻最少甜，健康人士之選。流心芒果布甸：布甸中間留一層流心芒果汁，幾特別，但坦白講味道分別不大，算係幾好食，不算太驚喜。綠茶奶凍：聲稱係日本綠茶製作，味道偏甘苦，我識得出好濃綠茶味，可能綠茶味太重我覺得麻麻哋。結論：呢間同佳記水準基本相同。糖水我只會幫襯呢兩間。