Catee (已結業)

今晚去荃灣搵朋友晚飯，佢一早book咗呢間餐廳。我哋嚟得比較早，後尾到八點都基本滿座，建議book咗位先去。餐廳嘅裝修比較有格調同氣氛，適合約會同三五知己。加上佢有吧枱，好適合摸杯底談心。最特別嘅地方，有好多貓嘅裝飾，牆上面掛住嘅畫，都係由貓咪充當名畫嘅主角，好搞怪同有趣。餐湯：蘑菇湯橄欖油醋點黑炭包，呢個食法係第一次試，覺得幾特別，同埋都幾開胃，酸酸的。美國安格斯牛板胛雖然我唔知呢個係咩部位，同埋我都係第一次試，點左五成熟。一擺低，就已經聞到烤肉香味，牛板胛脂肪唔多，咬落去肉質嫩滑 ，口感紮實，但唔會難咬，係冇筋嘅。好味，推薦！牛油果竹炭漢堡伴軟殼蟹大啡菇呢個餐份量好大，兩個女仔share，都食得勁飽。先講漢堡，漢堡扒肉汁豐富，配上牛油果沙律，加咗清新嘅感覺，同埋心理覺得健康左再講大啡菇，上面係有一整隻軟殼蟹。薯皇唔使講，我最鐘意，熱辣辣又好味呢set真係好抵食餐飲西柚汁同菠蘿汁，西柚汁係我嘅，係鮮榨果汁嚟，酸酸咁又消暑又開胃。跟餐甜品係咖啡蛋糕，食完就夠曬滿足啦 整體來講，餐廳食物質素不俗，特別係牛板胛，真係幾出色。而服務態度都係好貼心嘅，加上裝修睇得出好有心機同幾靚，不枉我特登入