影片
更多
2022-09-30
17 瀏覽
今日難得早收工，當然要去happy hour 啦🤩🤩今次朋友帶左我去位置尖沙咀諾士佛臺嘅「寢宮」！位置好大，環境舒服，而且仲擺放左波枱同beer ball枱係到，仲有韆鞦係到！好多打卡位😆今次叫左火焰雞、腸盤同pizza，另外，仲叫左2杯cocktail1.火焰烤雞原隻燒好後上枱，就咁睇就見到雞皮燒得好脆，淋上烈酒點火，一燒就聞到香味！酒香混合左雞嘅香味，聞到都已經流晒口水🤤燒完會幫我地斬件上枱，方便食用！雞肉入口嫰滑，雞皮燒得夠晒香口，仲食到微微嘅酒味，好好食😋2.德國腸盤經典嘅腸盤，鍾意食腸嘅朋友就唔好錯過啦！佢同我係其他地方食過有少少唔同，佢依到每隻腸都好jucy，而且味道岩岩好，食到lam lam脷😋pizza(Margherita）最原始傳統嘅pizza Margherita，由羅勒、蕃茄醬同mozzarella製作，用紅白綠三隻色組成，代表著義大利旗咁！真係成支義大利旗食左落肚🤪pizza美味十足，拎起上黎就已經見到個拉絲效果，正野！餅皮為薄批，食落脆口，正cocktail (左係EARL GREY REMIX100，右係BLUE SHEET 108）EARL GREY R
今日難得早收工，當然要去happy hour 啦🤩🤩今次朋友帶左我去位置尖沙咀諾士佛臺嘅「寢宮」！位置好大，環境舒服，而且仲擺放左波枱同beer ball枱係到，仲有韆鞦係到！好多打卡位😆
今次叫左火焰雞、腸盤同pizza，另外，仲叫左2杯cocktail
1.火焰烤雞
原隻燒好後上枱，就咁睇就見到雞皮燒得好脆，淋上烈酒點火，一燒就聞到香味！酒香混合左雞嘅香味，聞到都已經流晒口水🤤燒完會幫我地斬件上枱，方便食用！雞肉入口嫰滑，雞皮燒得夠晒香口，仲食到微微嘅酒味，好好食😋
2.德國腸盤
經典嘅腸盤，鍾意食腸嘅朋友就唔好錯過啦！佢同我係其他地方食過有少少唔同，佢依到每隻腸都好jucy，而且味道岩岩好，食到lam lam脷😋
pizza(Margherita）
最原始傳統嘅pizza Margherita，由羅勒、蕃茄醬同mozzarella製作，用紅白綠三隻色組成，代表著義大利旗咁！真係成支義大利旗食左落肚🤪pizza美味十足，拎起上黎就已經見到個拉絲效果，正野！餅皮為薄批，食落脆口，正
cocktail (左係EARL GREY REMIX100，右係BLUE SHEET 108）
EARL GREY REMIX100飲落感覺似檸茶，但佢茶味同酒味做得好平衡，2者唔搶大家味道，茶帶酒味，烈得黎又易入口，正
BLUE SHEET 108以生果為主線，所以似落好有夏日feel！微微酸味帶甜，非常好飲好岩女士飲用
整體黎講，餐廳環境舒服，食物質素高，好岩聚會或拍拖黎
張貼
