巧得鍋 (已結業)

觀塘附近食lunch，試左間有啲隱秘既手工刀削麵，健康好味！花膠雞湯面本身係花膠雞湯湯飯，但可以加$5轉刀削面，見佢寫日日香港新鮮製造，於是就轉左刀削面底！面質感冇令人失望，口感彈牙，就算食得慢都唔會浸到冧哂。雞肉斬件上，幾滑同新鮮，份量斬唔少。大大條花膠，足料！湯底應該係清雞湯再配左杞子圓肉，感覺健康滋潤。鮮蝦豚肉小雲吞熱拌刀削面小雲吞同配菜份量幾多，雲吞鮮味，一啖一粒幾方便，面皮又唔厚。拌菜仲有溏心蛋🧡同勁多青瓜絲，撈埋刀削面一齊食幾好。醬汁口味揀左椒麻味，唔太辣，食完又唔會覺口渴。飲品叫左凍檸茶同熱奶茶，一貫水準👍🏻下次再試佢其他茶飲先。現場餐檯都幾大張，我估雞煲應該幾滋味，不過減肥中，下次再試。