影片
更多
2020-02-23
2021 瀏覽
尖沙咀有條街，偏偏就有3間叫澳門XXX嘅餐廳😳重點係佢地唔同老細之餘食物質素好大分別，揀錯就中哂伏。今日悲傷小姐就建議大家去食大廈旁邊上樓個間，的確係好食d🤫💗鮮茄牛腩湯通粉+奶油豬仔包配忌廉炒蛋+涷檸茶($53）羅宋湯有香濃同自然嘅蕃茄味，酸酸地幾開胃，因為有大量蔬菜粒令湯底更鮮甜，湯底煮得夠味又唔會太咸，甜嘅比例會比酸甜多少少🍅配料包括蕃茄、牛腩、蘿蔔🥕、洋蔥🧅同埋薯仔🥔，全部切成細細粒熬得夠淋。豪不吝嗇咁有好多粒牛腩，肥瘦平均，食落有咬口肉質亦唔會太鞋🐮通心粉夠大粒，通粉煮得啱啱好，唔會太淋有口感。用上坑紋通粉更加吸味。滑蛋炒得唔太油，蛋味濃但冇咩調味，而且份量較少🥚💗皇牌蜜汁叉燒通粉+奶油豬仔包配火腿煎蛋+涷奶茶($53)湯底係經典嘅味精清湯，不過唔算太咸🤣叉燒份量十足，叉燒算瘦但食落唔鞋，肉質有咬口都幾腍，但色澤較淺，遜色位就係冇燒焦位同蜜汁甜味，不過以唔係燒味舖嘅質素都算中上水準🐷豬仔包即烘即食，外皮非常香脆，不過包心就韌咗d，中間夾住大大塊未溶嘅牛油🧈練奶份量多到漏哂出嚟，咸咸甜甜咁非常夾，雖然好邪惡，但係系悲傷小姐嘅”飛彿”🥰火腿就薄薄地得一片有d唔夠喉，不過勝在煎得香
💗鮮茄牛腩湯通粉+奶油豬仔包配忌廉炒蛋+涷檸茶($53）
羅宋湯有香濃同自然嘅蕃茄味，酸酸地幾開胃，因為有大量蔬菜粒令湯底更鮮甜，湯底煮得夠味又唔會太咸，甜嘅比例會比酸甜多少少🍅配料包括蕃茄、牛腩、蘿蔔🥕、洋蔥🧅同埋薯仔🥔，全部切成細細粒熬得夠淋。豪不吝嗇咁有好多粒牛腩，肥瘦平均，食落有咬口肉質亦唔會太鞋🐮通心粉夠大粒，通粉煮得啱啱好，唔會太淋有口感。用上坑紋通粉更加吸味。
鮮茄牛腩湯通粉
51 瀏覽
0 讚好
0 留言
滑蛋炒得唔太油，蛋味濃但冇咩調味，而且份量較少🥚
33 瀏覽
0 讚好
0 留言
💗皇牌蜜汁叉燒通粉+奶油豬仔包配火腿煎蛋+涷奶茶($53)
湯底係經典嘅味精清湯，不過唔算太咸🤣叉燒份量十足，叉燒算瘦但食落唔鞋，肉質有咬口都幾腍，但色澤較淺，遜色位就係冇燒焦位同蜜汁甜味，不過以唔係燒味舖嘅質素都算中上水準🐷
皇牌蜜汁叉燒通粉
55 瀏覽
0 讚好
0 留言
豬仔包即烘即食，外皮非常香脆，不過包心就韌咗d，中間夾住大大塊未溶嘅牛油🧈練奶份量多到漏哂出嚟，咸咸甜甜咁非常夾，雖然好邪惡，但係系悲傷小姐嘅”飛彿”🥰
火腿就薄薄地得一片有d唔夠喉，不過勝在煎得香口冇豬羶味。煎熟蛋就正常發揮，有少少燶邊，有自己加鹽同胡椒粉🍳
30 瀏覽
0 讚好
0 留言
張貼
