sfs (已結業)

最近因為某個手機應用程式，知道左唔少咖啡店，佢地大部都係小店，並非連鎖式。於是當一想到要hea下，就會諗起某幾間coffee shop。週日黎到呢間位於聖佛蘭士街嘅sfs，真係唔講唔知呢度有間咖啡店呢！但我奇怪咁「隱蔽」嘅住置今日客人都唔少，比我想像中旺。原來，旁邊打通左嘅鋪位，有個gallery，當日正有個小市集，難怪連帶隔離嘅咖啡店人流都幾旺。除左係咖啡店，仲有唔少手工品、飾物購買。店內位置就唔多，得一張細枱仔，但店外有蓬嘅枱有三張，如果天氣唔熱，坐喺外面，飲杯咖啡，都幾舒適。小店只有一位咖啡師，供應朱古力、咖啡、茶。Flat White $34咖啡味唔算好香濃，奶泡唔夠滑，普普通通。熱朱古力 $36朱古力味香濃，但奶泡唔算好滑，飲落唔會覺得甜。雖然飲品認真一般般，但喺度hea左陣，感覺都相當悠閒；只係坐坐下有兩個傾談比較大聲嘅少女，有少少打擾~否則我覺得我地可以再坐多陣呢！